Մայրաքաղաքն ավելի մաքուր և կանաչապատ դարձնելու նպատակով Երևանի փողոցներում, բակային տարածքներում, այգիներում ու պուրակներում, իրականացնվում էին շաբաթօրյակի և ծառատունկի աշխատանքներ: Ավելի կանաչ Երևան ունենալու ցանկությունը վաղ առավոտից համախմբել էր բոլորին:

«Շեշտ»-ի անձնակազմը և կամավորները նոր ծառեր տնկեցին Հայաստանի Ամերիկյան համալսարանի հարակից այգում` այն իսկապես լիարժեք հանգստի գոտի դարձնելու համար: Մեր կարևոր խնդիրներից է ավելացնել և պահպանել մայրաքաղաքի կանաչ տարածքները, ինչպես նաև քաղաքի մաքրությունը: Եվ մենք բոլորս պետք է պահենք ու պահպանենք մեր քաղաքը` որպեսզի մոտ ապագայում ունենանք մաքուր և կանաչապատ Երևան: