Երիտասարդության միջազգային օրվա 2016թ. թեման էր «Ճանապարհ դեպի 2030՝ վերացնել աղքատությունը և հասնել կայուն սպառնման և արտադրության», որի ուշադրության կենտրոնում էր երիտասարդության դերը՝ կայուն սպառման և արտադրության միջոցով կայուն զարգացման հասնելու հարցում:
Հանդիպումը մեկնարկեց Հայաստանում ՄԱԿ-ի մշտական համակարգող, Բրեդլի Բուզետտոյի բացման խոսքով, որին հաջորդեց Awesome Foundation-ի հուլիս ամսվա հաղթող նախագիծ «Տոպրակ պետք չի» նախաձեռնության, ինչպես նաև Նաիրիան ընկերության գործունեության ներկայացմամբ:
Հայտարարվեց նաև ՄԱԿ-ի Ժնևյան գրասենյակի և Impact Hub գլոբալ ցանցի համատեղ նախաձեռնության՝ Accelerate 2030-ի մասին, որը փնտրում է սոցիալական նորարարների և հետաքրքիր գաղափարներով ակտիվ երիտասարդների:
